• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بختاور بھٹو نے عید پر عوام سے کونسی اپیل کی؟

سابق وزیرِاعظم شہید محترمہ بے نظیر بھٹو اور سابق صدر آصف زرداری کی بڑی صاحبزادی بختاور بھٹو نے کورونا وائرس کے بڑھتے کیسز کے پیش نظرِ عید کے موقع پر عوام سے احتیاطی تدابیر اختیار کرنے کی اپیل کردی۔

مائیکرو بلاگنگ سائٹ ٹوئٹر پر جاری کیے گئے پیغام میں بختاور بھٹو زرداری نے کہا کہ ’میری سب سے گزارش ہے کہ احتیاطی تدابیر اختیار کریں، خاص طور پر پاکستان میں جہاں ہماری ایس او پیز کی خلاف کی وجہ سے کورونا وائرس کیسز میں اضافہ ہورہا ہے۔‘

بختاور بھٹو نے کہا کہ ’غیرضروری معاشرتی اجتماعات کی وجہ سے کورونا کیسز میں مسلسل اضافہ ہورہا ہے۔‘

اُنہوں نے کہا کہ ’ہمارے پاس پہلے ہی کورونا ویکسینیشن کا سسٹم انتہائی ناقص ہے۔‘

آخر میں بختاور بھٹو زرداری نے اپنے تمام چاہنے والوں اور اُن کے اہلخانہ کو عیدالاضحیٰ کی مبارکباد بھی دی۔

بختاور بھٹو کے ٹوئٹ پر اُن کے مداحوں کی بڑی تعداد اُنہیں بھی عید کی مبارکباد دے رہی ہے۔

واضح رہے کہ پاکستان بھر میں مسلمان آج عیدالاضحیٰ مذہبی عقیدت و احترام سے منا رہے ہیں۔

کراچی، حیدرآباد، لاہور، ملتان، فیصل آباد، گوجرانوالہ، پشاور، کوئٹہ اور اسلام آباد سمیت ملک بھر میں نماز عید کے اجتماعات ہوئے۔

خاص رپورٹ سے مزید