یورپین کونسل کے صدر کو بھی پیگاسس کے ذریعے نشانہ بنایا گیا تھا

یورپین کونسل کے موجودہ صدر چارلس مشل کو بھی اسرائیل کے جاسوسی کیلئے بنائے گئے سافٹ ویئر پیگاسس کے ذریعے نشانہ بنایا گیا تھا۔

یہ بات یورپین ذرائع ابلاغ میں شائع شدہ رپورٹ میں بتائی گئی۔

خبر کے مطابق یورپین کونسل کے موجودہ صدر چارلس مشل کی اس سافٹ ویئر کے ذریعے اس وقت جاسوسی کی گئی جب وہ بیلجیئم کے وزیراعظم تھے۔

اس کے ساتھ ان کے والد بیلجئیم کے سابق وزیر خارجہ لوئیس مشل کا بھی فون ہیک کیا گیا۔ وہ اس وقت یورپین پارلیمنٹ میں بیلجیئم کی مقامی جماعت ایم آر کی جانب سے یورپین پارلیمنٹ کے ممبر تھے۔

جاسوسی کے لیے استعمال ہونے والا ’پیگسس‘ کیا ہے؟

کمپنی کا ماننا ہے کہ اس نے مذکورہ سافٹ ویئر کو انسدادِ دہشت گردی کے لیے بنایا گیا تھا، جس کا مقصد دہشتگردوں کے ٹیلیفون کی فون کالز، ٹیکس میسجز اور ان کا ڈیٹا حاصل کرنا تھا۔

ان ذرائع ابلاغ نے اس کیلئے مبینہ طور پر مراکش پر الزام عائد کیا ہے۔ جس کی مراکش حکومت نے سختی سے تردید کی ہے۔ اس کی بنیادی وجہ ایک مراکشی صحافی عمر رادی کے فون میں ملنے والا یہی سپائی وئیر ہے جس کے ذریعے اس کی جاسوسی کی گئی۔ ذاتی معلومات کے حصول کے بعد اسے جنسی جرم اور جاسوسی کے الزام میں گذشتہ روز 6 سال کی سزا دی گئی ہے۔

یہ بھی یاد رہے کہ بیلجیئم کے سابق وزیراعظم اور یورپین کونسل کے موجودہ صدر چارلس مشل کے والد لوئیس مشل یورپ میں اسرائیل کے بڑے ناقدین میں سے شمار کیے جاتے تھے۔ وہ 1999 سے لیکر 2004 تک بیلجیئم کے وزیر خارجہ رہے۔

انہی ذرائع ابلاغ کے مطابق فرانس کے موجودہ صدر ایمانویل ماکغوں کا نام بھی اس فہرست میں پایا گیا ہے جنکی 2017 سے اس سافٹ وئیر کے ذریعے جاسوسی جاری تھی۔