بحری جہاز ریسکیو کرنا مالک کی ذمے داری ہے، کے پی ٹی انتظامیہ

کراچی پورٹ ٹرسٹ (کے پی ٹی) انتظامیہ نے کراچی کے ساحل پر ریت میں پھنسے کنٹینر سے لدے بحری جہاز کے معاملے پر موقف دے دیا۔

کے پی ٹی انتظامیہ کے مطابق بحری جہاز ہینگ ٹونگ کریو کی تبدیلی کے لیے ہمارے پانیوں میں داخل ہوا۔

انتظامیہ کے مطابق بحری جہاز کے پی ٹی بندرگاہ میں داخل ہی نہیں ہوا، خراب موسم کے باعث بحری جہاز صبح کے وقت کم گہرے پانی کی جانب نکل گیا۔

کراچی: ساحل پر پھنسے کنٹینر لدے جہاز کو کیسے نکالا جائے؟

کراچی کے سی ویو ساحل پر پاناما کا کنٹینر سے لدے جہازشاید طویل عرصہ پھنسا رہے۔

کے پی ٹی انتظامیہ کے مطابق بحری جہاز نے کے پی ٹی کو اس وقت بتایا جب وہ کم گہرے پانی میں پہنچ چکا تھا۔

انتظامیہ کے مطابق پاکستان میری ٹائم سیکیورٹی ایجنسی نے بھی اطلاع دی، جہاز کو ریسکیو کرنا جہاز کے مالک کی ذمے داری ہے۔