• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

علی امین گنڈاپور کو الیکشن تک آزاد کشمیر آنے سے روکنے کی درخواست


چیف سیکریٹری آزاد کشمیر نے وفاقی حکومت کو خط لکھ کر کہا ہے کہ وفاقی وزیر امور کشمیر علی امین گنڈاپور کو انتخابات تک آزاد کشمیر کا دورہ کرنے سے روکا جائے۔

اس سے قبل ڈسٹرکٹ ریٹرننگ افسر نے آزاد کشمیر کے انتخابات میں پاکستان تحریک انصاف (پی ٹی آئی) کے 4 امیدواروں کو نااہل قرار دینے کی سفارش کی۔

وفاقی وزیر امور کشمیر علی امین گنڈا پور کی پابندی کے باوجود آزاد کشمیر جلسے میں شرکت پر تحریک انصاف کے 4 امیدواروں کی نااہلی کے لیے سفارش کردی گئی۔

ڈسٹرکٹ ریٹرننگ افسر نے پی ٹی آئی کے 4 امیدواروں عتیق الرحمان، خواجہ فاروق، راجہ منصور اور چودھری شہزاد کی نااہلی کے لیے الیکشن کمیشن کو سفارش کردی۔

قومی خبریں سے مزید