فرمان الہی
نماز کے اوقات
پیپلز پارٹی نے آزاد کشمیر کے انتخابات میں دھاندلی کا الزام لگادیا۔
پی پی سینیٹر شیری رحمٰن نے الزام عائد کیا کہ کوٹلی میں ہمارے امیدوار چوہدری محمد یاسین کی گاڑی پر تحریک انصاف کے کارکنوں نے فائرنگ کی۔
انہوں نے مزید کہا کہ فوارہ چوک پولنگ اسٹیشن پر پولیس نے پی پی کا کیمپ اکھاڑ دیا جبکہ پی ٹی آئی نے اسی جگہ پر کیمپ قائم کیا ہے۔
شیری رحمٰن نے کہا کہ پی پی نے الیکشن کمیشن کو تحریری شکایات جمع کرادی ہیں۔
اُن کا کہنا تھاکہ وفاقی حکومت انتخابات چوری کرنے کی بھرپور کوشش کر رہی ہے۔
پی پی سینیٹر نے یہ بھی کہا کہ الیکشن کمیشن حکومتی دھاندلی کو روکے اور شفافیت کو یقینی بنائے۔
