ٹوکیو اولمپکس: میڈلز ٹیبل پر چین نے جاپان سے پہلی پوزیشن چھین لی

ٹوکیو اولمپکس کے میڈلز ٹیبل پر چین نے میزبان جاپان سے پہلی پوزیشن چھین لی۔ مزید تین طلائی تمغوں کے ساتھ تعداد 15 ہوگئی، جاپان نے بھی 15 سونے کے تمغے جیت لیے لیکن مجموعی برتری میں چین آگے ہے، امریکا 14 گولڈ میڈلز کے ساتھ تیسرے نمبر پر ہے۔

ٹوکیو اولمپکس کے چھٹے روز چار ضرب چار سو میٹر فری اسٹائل میں چین اور امریکا کے درمیان زبردست مقابلہ ہوا، چینی سوئمرز نے سات منٹ اور 4 اعشاریہ 33 سیکنڈز کے ساتھ طلائی اور امریکا نے سات منٹ چار اعشاریہ سات تین سیکنڈز کے ساتھ چاندی کا تمغہ جیتا۔ آسٹریلیا نے تیسری پوزیشن حاصل کی۔ تینوں ٹیموں نے مقررہ فاصلہ کم ترین وقت میں طے کرکے ورلڈ اور اولمپک ریکارڈ توڑا۔

پاکستان کے آدھے ایتھلیٹس ٹوکیو اولمپکس سے باہر

پاکستان کے آدھے ایتھلیٹس ٹوکیو اولمپکس سے باہر...

روئنگ کے مینز لائٹ ویٹ ڈبل اسکلز ایونٹ میں آئرلینڈ نے طلائی تمغہ حاصل کیا۔ ویمنز لائٹ ویٹ کیٹگری میں اٹلی کی ٹیم نے طلائی تمغہ جیتا۔ فرانس نے چاندی اور نیدر لینڈز نے کانسی کا تمغہ حاصل کیا۔

کنوئنگ ویمنز سلالوم میں آسٹریلیا کی فوکس جیسکا نے 105.4 سیکنڈز میں فاصلہ طے کرکے طلائی تمغہ حاصل کیا۔

ویمنز شوٹنگ کے فائنل میں سلوواکیا کی زوزانہ راہیک نے 43 پوائنٹس حاصل کرکے گولڈ میڈل جیتا۔ امریکا کی براؤننگ کائیل ایک پوائنٹ کے فرق سے چاندی کے تمغے کی حقدار بنی۔

ٹوکیو میں گیمز کے دوران شدید گرمی، ایتھلیٹ مشکلات کا شکار

ٹوکیو میں گیمز کے دوران شدید گرمی کی وجہ سے ایتھلیٹ شدید مشکلات کا شکار ہے۔

مینز ٹینس میں سربیا کے نواک جوکووچ نے جاپان کے کائی نیشی کوری کو شکست دیکر سیمی فائنل میں جگہ بنائی۔ ڈبلز ایونٹ میں کروشیا کے پیئر مارین سلچ اور ایون ڈوج پر مشتمل جوڑی نیوزی لینڈ کے مارکس ڈیئنل مائنل وینس کو چھ دو اور چھ دو سے ہراکر ایونٹ کے سیمی فائنل میں پہنچ گئی۔

ویمنز ڈبلز چیک ریپبلک کی کراجیکوا اور سینیا کوا پر مشتمل جوڑی نے رشین اولمپک کمیٹی کی الینا ویسنینا اور ویرونیکا کو چھ تین تین چھ اور دس چھ سے ہراکر فائنل کے لیے کوالیفائی کرلیا۔