سندھ حکومت کے لاک ڈاؤن فیصلے کا بغور جائزہ لے رہے ہیں، فواد چوہدری

وفاقی وزیر اطلاعات و نشریات فواد چوہدری نے کہا ہے کہ سندھ حکومت کے لاک ڈاؤن کے فیصلے کا بغور جائزہ لے رہے ہیں۔

ایک بیان میں فواد چوہدری نے کہا کہ لاک ڈاؤن کے حوالے سے وزیراعظم عمران خان کی پالیسی بالکل واضح ہے۔

انہوں نے کہا کہ وفاقی حکومت ایسے اقدام کے خلاف ہوگی، جس سے عام آدمی کی معیشت متاثر ہو۔

سندھ میں لاک ڈاؤن، کیا بند ہوگا اور کیا کھلا رہے گا؟

وزیراعلیٰ سندھ سید مراد علی شاہ نے کل سے ہونے والے تمام امتحانات ایک ہفتے کے لیے ملتوی کرنے کا اعلان کیا ہے۔

وفاقی وزیر نے مزید کہا کہ نیشنل کمانڈ اینڈ آپریشن سینٹر (این سی او سی) اور سندھ حکومت لائحہ طے کرے، جس سے عام آدمی کم سے کم متاثر ہو۔