لاہور: 4 لڑکیوں کے اغواء میں ملوث 4 ملزمان کا جسمانی ریمانڈ

لاہور کی عدالت نے ہنجروال کے علاقےکی 4 لڑکیوں کے اغواء کے واقعے میں ملوث 4 ملزمان کا 4 روزہ جسمانی ریمانڈ منظور کر لیا۔

لاہور کے جوڈیشل مجسٹریٹ نعمان ناصر نے جسمانی ریمانڈ کی درخواست پر سماعت کرتے ہوئے شریک 2 خواتین ملزمان کو جوڈیشل ریمانڈ پر جیل بھیج دیا۔

ملزم نے غلط کام کرنیوالی لڑکی سے ملوایا، نشہ آور مشروب پلایا، مغوی لڑکیاں

لاہور سے اغواء ہونےوالی چاروں لڑکیوں نے بھی پولیس کی تفتیش میں چونکا دینے والے انکشافات کیئے ہیں، لڑکیوں نے بتایا کہ ایک ملزم نے انہیں نشہ آور مشروب بھی پلایا اور ساہیوال میں غلط کام کرنے والی لڑکی سےملاقات بھی کرائی۔

اس سے قبل لاہور کے علاقے ہنجروال کی 4 لڑکیوں کے اغواء کے واقعے میں ملوث ساہیوال سے گرفتار 2 خواتین سمیت 6 ملزمان کو ضلع کچہری میں پیش کیا گیا۔

پولیس نے گرفتار ملزمان شازیہ، زینت، قاسم، نعیم، شہزاد اور آصف کو عدالت میں پیش کیا اور ملزمان کے 14 روزہ جسمانی ریمانڈ کی استدعا کی۔

لاہور کی مغوی 4 میں سے 1 لڑکی کا سودا 1 لاکھ میں کیا: ملزم قاسم

لاہور کے علاقے ہنجر وال کی 4 لڑکیوں کے اغواء میں ملوث ملزمان سے کی گئی پولیس کی تفتیش میں مختلف انکشافات سامنے آ رہے ہیں، جن کے مطابق ملزم قاسم نے بتایا ہے کہ اس نے 4 لڑکیوں میں سے 1 لڑکی کا دوسرے ملزم شہزاد کے ساتھ 1 لاکھ روپے میں سودا کیا تھا۔

چاروں بچیوں کے اغواء کا مقدمہ بازیاب ہونے والی کنزیٰ اور انعم کے والد کی مدعیت میں درج کیا گیا ہے۔

ساہیوال پولیس نے گزشتہ روز بچیوں کو بازیاب کروا کر لاہور پولیس کے حوالے کیا تھا۔

لاہور کی لاپتہ 4 بچیوں کو کس نے اغواء کیا؟

ساہیوال سے ملنےوالی لاہور کی لاپتہ 4 بچیوں آج صبح پاکپتن چوک کے قریب واقع گھر سے بازیاب کرایا گیا۔

دوسری جانب ساہیوال سے بازیاب ہونے والی چاروں بچیوں کے بیان کے لیے لاہور کے جوڈیشل مجسٹریٹ نے کل کا دن مقرر کر دیا۔

عدالت نے ملزمان کو کل کے لیے نوٹس جاری کر دیا،جبکہ چاروں بچیوں کا میڈیکل کرانے کا حکم دے دیا۔