فرمان الہی
نماز کے اوقات
پاکستان کی پہلی خاتون لیفٹیننٹ جنرل نگار جوہر کی زندگی پر بننے والی ٹیلی فلم ’ایک ہے نگار‘ کا پہلا ٹیزر جاری کر دیا گیا ہے۔
یومِ آزادی کے موقع پر پاک فوج کے شعبہ تعلقات عامہ (آئی ایس پی آر) کی جانب سے اپنے یوٹیوب چینل پر پاکستان کی پہلی خاتون لیفٹیننٹ جنرل نگار جوہر پر بننے والی فلم کا ٹیزر جاری کیا گیا ہے.
اس فلم میں معروف اداکارہ ماہرہ خان لیفٹیننٹ جنرل نگار جوہر کا کردار دا کرتی نظر آئیں گی۔
ماہرہ خان کو اس فلم کے ٹیزر میں پاک فوج کے یونیفارم میں ملبوس باوقار اور بااعتماد دیکھا جا سکتا ہے۔
ٹیلی فلم ’ایک ہے نگار‘ نجی ٹی وی سے نشر کی جائے گی جس میں ماہرہ خان کے مد مقابل بلال اشرف اور سہیل سمیر سمیت دیگر اداکار بھی دکھائی دیں گے۔
واضح رہے کہ فلم ’ایک ہے نگار ‘کی رائٹر عمیرہ احمد ہیں جبکہ اس کے ہدایتکار عدنان سرور ہیں، ٹیلی فلم کی پروڈیوسرز نینا کاشف اور ماہرہ خان ہیں۔
یاد رہے کہ نگار جوہر پاکستانی تاریخ میں لیفٹیننٹ جنرل کے عہدے پر فائز ہونے والی واحد اور پہلی خاتون ہیں اور ان کا تعلق آرمی میڈیکل کور سے ہے۔
