فرمان الہی
نماز کے اوقات
صدر مملکت ڈاکٹر عارف علوی نے جنرل ہیڈکوارٹرز (جی ایچ کیو) راولپنڈی کا دورہ کیا، جہاں انہیں پاک فوج کی آپریشنل تیاریوں سے آگاہ کیا گیا۔
پاک فوج کے شعبہ تعلقات عامہ آئی ایس پی آر کے مطابق آرمی چیف جنرل قمر جاوید باجوہ نے صدر مملکت کا جی ایچ کیو میں استقبال کیا۔
صدر مملکت عارف علوی کو گارڈ آف آنر پیش کیا گیا، جبکہ انہوں نے یادگار شہداء پر پھول رکھے اور فاتحہ خوانی کی۔
آئی ایس پی آر کے مطابق اس موقع پر صدر مملکت اور آرمی چیف نے علاقائی صورتحال اور قومی سلامتی کے امور پر تبادلہ خیال کیا۔
صدر مملکت کو پاک فوج کی آپریشنل تیاریوں سے آگاہ کیا گیا جبکہ انہیں کمیونی کیشن اینڈ انفارمیشن ٹیکنالوجی برانچ کی سائبر سیکیورٹی کے حوالے سے بھی بریفنگ کیا گیا۔
صدر مملکت نے پاکستان کی اندرونی و بیرونی سکیورٹی کے لیے پاک فوج کی قربانیوں کو سراہا۔
صدر مملکت عارف علوی نے آئی ٹی فیلڈ میں پاک فوج کی کامیابیوں کو بھی سراہا۔
