فرمان الہی
نماز کے اوقات
پاکستان کے معروف اداکار عمران اشرف کی جانب سے اپنے سوشل میڈیا اکاؤنٹ پر ایک ڈانس ویڈیو شیئر کی گئی ہے جو کہ سب دیکھنے والوں کو خوب بھاگئی ہے۔
یکے بعد دیگرے کئی سپر ہٹ پروجیکٹس میں شاندار اداکاری کے ذریعے مداحوں کے دلوں میں گھر کرنے والے اداکار عمران اشرف نے گزشتہ شام اپنے انسٹا گرام اکاؤنٹ پر ایک ڈانس ویڈیو شیئر کی جس میں اُنہیں والہانہ انداز میں ڈھول کی تھاپ پر ڈانس کرتے ہوئے دیکھا جا سکتا ہے۔
عمران اشرف کی جانب سے شیئر کی گئی ویڈیو میں ابھرتے اداکار مومن ثاقب کو بھی دیکھا جا سکتا ہے، یہ ویڈیو عمران اشرف کے ایک پرانے پروجیکٹ کے سیٹ پر بنائی گئی ہے، اس ویڈیو میں مومن ثاقب بھی عمران اشرف کے ہمراہ ڈانس میں مگن ہیں۔
عمران اشرف کی اس ویڈیو پر پاکستان انڈسٹری کی معروف شخصیات کے کمنٹس کا جیسے سیلاب ہی آ گیا ہے۔
جہاں اس ویڈیو پر عمران اشرف کے مداح انہیں داد دیئے بنا نہیں رہ سکے وہیں فنکاروں کی جانب سے خوب قہقہے اور تعریفی کمنٹس عمران اشرف کی اس پوسٹ کی زینت بن رہے ہیں۔
عمران اشرف کے مداح اُن کی اداکارانہ صلاحیتوں اور عاجزی انکساری کی تعریفیں کر رہے ہیں، ایسے میں عمران اشرف کی ایک مداح کی جانب سے انہیں پاکستان شوبز انڈسٹری کا ’ کیوٹ ترین بوائے‘ قرار دے دیا گیا ہے۔
