انجلینا جولی کی بچوں کے حقوق پر کتاب لانچ کیلئے تیار

عالمی شہرت یافتہ ہالی ووڈ اداکارہ اور اقوام متحدہ کی خصوصی سفیر انجلینا جولی نےاعلان کیا ہے کہ وہ ایمنسٹی انٹرنیشنل کے ساتھ مل کر بچوں کے حقوق پر ایک کتاب ’ نو یئور رائٹس ‘ لانچ کرنے والی ہیں ۔

انجلینا جولی نےفوٹو اینڈ ویڈیو شیئرنگ ایپ انسٹا گرام پر اس نئی کتاب کا پوسٹر شیئر کرتے ہوئےبچوں کے حقوق کے بارے میں لکھا ہے کہ ’ یہ ایک سچ ہے جسے آپ شاید نہیں جانتےکہ ایک نوجوان کی حیثیت سے ، آپ کے حقوق ایک بالغ انسان کے حقوق کے برابر ہیں۔‘

انہوں نے لکھا کہ ’ اس وقت نہیں جب آپ جوانی کو پہنچیں ، یا گھر سے نکلیں ، یا اپنی پہلی نوکری حاصل کریں بلکہ ابھی اسی وقت جب آپ چھوٹے بچے ہیں، آپ جو بھی ہوں ، جہاں کہیں بھی رہتے ہو، آپ کی زندگی کسی بھی بالغ ، یا کرہ ارض پر کسی بھی دوسرے نوجوان کی طرح یکساں اہمیت کی حامل ہے۔

انجلینا جولی نےلکھا کہ ’ بچوں کو بھی بالغ افراد کی طرح حقوق حاصل ہیں اور ان کے پاس یہ دعویٰ کرنے کی طاقت اور ایجنسی ہونی چاہیے۔‘

انہوں نے لکھا کہ پچھلے دو سالوں وہ ایمنسٹی اورجیرالڈین وان بویرن کیو سی کے ساتھ ایک کتاب پر کام کررہی ہیں جس کا مقصد نوجوانوں کواپنے حقوق کے لیے آواز اٹھانے میں مدد دینا ہے۔‘

انہوں نے لکھا کہ ’ اس کتاب کی تیاری کرتے ہوئےوہ ایسے کئی نوجوانوں سے ملیں اور انہیں شرمندگی کا سامنا کرنا پڑا کیونکہ وہ برسوں سےاپنے حقوق کے لیے لڑ رہے ہیں۔‘

انجلینا جولی نےاپنی پوسٹ میں اپنی کتاب خریدنے کے خواہشمند افراد کے آن لائن آرڈرز کی بکنگ کروانے کے لیے اپنے انسٹاگرام اکاؤنٹ پر ایک لنک بھی شیئر کیا ہے جہاں ان کی اس بک کو خریدنے کے لیے آرڈر کیا جاسکتا ہے۔