وزیرِ اعظم کا کنٹونمنٹ انتخابات کے نتائج کی تجزیاتی رپورٹ تیار کرانے کا حکم

وزیرِ اعظم عمران خان نے کنٹونمنٹ بورڈ کے انتخابات کے نتائج کی تجزیاتی رپورٹ تیار کرانے کا فیصلہ کر لیا۔

ذرائع کے مطابق وزیرِ اعظم عمران خان نے لاہور، راولپنڈی، ملتان اور پشاور کے نتائج کی رپورٹ تیار کرنے کا حکم دے دیا۔

کنٹونمنٹ بورڈ انتخابات کیلئے پولنگ جاری

ملک بھر میں کنٹونمنٹ بورڈ کے انتخابات کے لیے پولنگ جاری ہے۔

ذرائع کا کہنا ہے کہ دیہی اور شہری علاقوں میں ووٹ بینک بڑھنے یا کم ہونے کے حوالے سے حقائق سامنے لائے جائیں گے۔

ذرائع نے مزید بتایا ہے کہ بڑے شہروں میں امیدواروں کا چناؤ اور ووٹرز کے ساتھ پارٹی قائدین کا رویہ بھی رپورٹ میں شامل ہو گا۔

کراچی: نابینا شخص ووٹ ڈالنے پہنچ گیا

کراچی کنٹونمنٹ بورڈ کے وارڈ نمبر 3 میں جاری ووٹنگ کے عمل کے دوران ایک نابینا شخص بھی اپنا ووٹ کاسٹ کرنے پہنچ گیا۔

ذرائع کا یہ بھی کہنا ہے کہ وزیرِ اعظم عمران خان سے بعض شہروں کے پارٹی ذمے داران اسی حوالے سے آج کابینہ کے اجلاس کے بعد ملاقات بھی کریں گے۔