میڈیا پر پابندیوں کا بل ناکام ہوگا: امیر حیدر ہوتی

14 ستمبر ، 2021

عوامی نیشنل پارٹی کے رہنما امیر حیدر ہوتی نے کہا ہے کہ میڈیا آزاد نہیں ہوگا تو سیاست اور سچ بھی آزاد نہیں ہوگا، میڈیا پر پابندیوں کا بل ناکام ہوگا،جو لوگ یہ بل لانا چاہتے ہیں یہ ان کے زوال کا سبب بنے گا، اے این پی میڈیا کے ساتھ ہے۔

اسلام آباد میں عوامی نیشنل پارٹی کے نمائندہ وفد کی نیشنل پریس کلب آمد کے موقع پر اے این پی رہنماؤں نے ملک بھر سے آئے صحافی رہنماؤں سے اظہارِ یک جہتی کیا۔

امیر حیدر ہوتی نے کہا کہ میڈیا کی آزادی کے لیے صحافی برادری کے ساتھ ہیں، یہ میڈیا کی آزادی نہیں پاکستانی قوم کی آزادی کا مسئلہ ہے، میڈیا آزاد نہیں ہو گا تو سیاست اور سچ بھی آزاد نہیں ہوگا۔

انہوں نے کہاکہ اے این پی پارلیمنٹ اور پارلیمنٹ سے باہرمیڈیا کے ساتھ ہے، میڈیا پر پابندیوں کا بل جس کی بھی سوچ ہے ناکام ہو گا، جو لوگ یہ بل لانا چاہتے ہیں یہ ان کے زوال کا سبب بنے گا۔

تازہ ترین