• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بھارتی اداکارہ نکیتا راول سے سات لاکھ روپے لوٹ لیے گئے

بالی ووڈ اداکارہ و رقاصہ نکیتا راول کو حال ہی میں ڈاکوؤں نے نئی دہلی میں ان کی آنٹی کے گھر پر گن پوائنٹ پر یرغمال بناکر 7 لاکھ روپے لوٹ لیے۔

اس سے قبل ایک ایسی ہی واردات اداکارہ النکریتا ساہی کے ساتھ بھی پیش آچکی ہے جن سے لٹیرے چندی گڑھ میں ان کے گھر میں گھس کر ساڑھے چھ لاکھ روپے لوٹ کر لے گئے تھے اور دست درازی کی کوشش بھی کی۔

نیکتا راول اپنی شوٹنگ کے لیے بھارتی دارالحکومت میں موجود تھیں جب انکے ساتھ یہ واقعہ پیش آیا۔ وہ اپنی قریبی رشتہ دار کے گھر پر تنہا تھیں جب چند ملزمان ماسک پہنے گھر میں داخل ہوئے اور انہوں نے نیکتا کو اسلحے کے زور پر یرغمال بناکر ان کے پاس موجود تمام رقم لوٹ کر لے گئے، نکیتا اس واقعے کے بعد سے صدمے کا شکار ہیں۔

انہوں نے ایک میڈیا پورٹل سے گفتگو میں اس کی تفصیلات بتائیں۔ اداکارہ کے مطابق پولیس کو معاملے سے آگاہ کردیا گیا ہے اور تفتیش جاری ہے۔

انٹرٹینمنٹ سے مزید