فائرنگ ‘ شہری پر تشدد اور اُسے پرندوں کے پنجرے میں بند کرنیوالا ملزم گرفتار

راولپنڈی (سٹاف رپورٹر) شہری پر تشدد کرنے اور اسے پرندوں کے پنجرے میں بند کرنے والے ملزم کو گرفتار کر لیا گیا۔ ترجمان راولپنڈی پولیس کے مطابق مصدق علی نامی شخص نے سی پی او کی کھلی کچہری میں درخواست دی کہ اسد نے گاڑی سے اتر کر میرے منہ پر تھپڑ مارے اور پوچھا کہ بڑا بھائی کدھر ہے۔ اس دوران دیگر ملزمان نے بھی تشدد کیا‘ ہوائی فائرنگ کی اور اسے زبردستی گاڑی میں بٹھا کر اپنے ہمراہ لے گئے اور چھت پر پرندوں کے پنجرے میں بند کردیا۔ انہوں نے میرے گھر پر فائرنگ کر کے مجھے بھی زخمی کر دیا۔