اسلام آباد (نیوز رپورٹر)کپیٹل ڈویلپمنٹ اتھارٹی انتظامیہ کی خصوصی ہدایت پر متعلقہ شعبہ اسلام آباد کے تمام نالوں کی صفائی کا کام تیز کر دیا ہے۔ ترجمان کے مطابق سی ڈی اے انتظامیہ کی ہدایات کی روشنی میں متعلقہ شعبہ نے اسلام آباد کے سیکٹر ایچ ایٹ میں فیض احمد فیض روڈ پر دونوں نالوں کی صفائی کا کام نوے فیصد سے زائد مکمل کرلیا گیا ہے، جبکہ سیکٹر ایچ نائن میں نمل یونیورسٹی کے عقب میں نالے کی صفائی آخری مراحل میں ہے۔ سیکٹر آئی نائن میں واقع وارسک روڈ پر نالے کی صفائی کا کام مکمل کرلیا گیا ہے۔ سی ڈی اے انتظامیہ کی جانب سے شہریوں سے بھی اپیل کی گئی ہے کہ نالوں کی صفائی کا خاص خیال رکھیں اور اپنے گھروں کا کچرا نالوں کی بجائے کچرا دانوں میں ڈمپ کریں۔
فرمان الہی
نماز کے اوقات
