علی ظفر اور گل پانڑہ کے پہلے پشتو گانے کا ٹیزر جاری

کراچی (آئی این پی) معروف گلوکار و اداکار علی ظفر نے اپنے پہلے پشتو گانے کا ٹیزر جاری کردیا۔مائیکرو بلاگنگ سائٹ ٹوئٹر پر علی ظفر نے اپنے پہلے پشتو گانے کا ٹیزر جاری کیا ہے جس میں گلوکار کے ہمراہ معروف پشتون گلوکارہ گل پانڑہ کو بھی دیکھا جاسکتا ہے۔ٹوئٹر پر جاری کیے گئے ٹیزر کے مطابق علی ظفر کا یہ گانا رواں ماہ 22 ستمبر کو ریلیز کیا جائے گا۔علی ظفر نے اپنے اس نئے آنے والے گانے میں پشتون کلچر کو بخوبی پیش کیا ہے۔گلوکار نے اپنے ٹوئٹ میں مداحوں سے مخاطب ہوتے ہوئے لکھا کہ ٹیزر کا مزہ لیجیے۔