دو ٹیمیں کرکٹ کیلئے ہمارا جذبہ ختم نہیں کرسکتیں، ہمایوں سعید

فلم اسٹار اور پروڈیوسر ہمایوں سعید کا کہنا ہے کہ دنیا کی دو ٹیمیں پاکستان میں کرکٹ کے جذبے کو ختم نہیں کرسکتیں۔

انگلینڈ کا پاکستان آنے سے انکار، قومی کرکٹرز ناخوش

نیوزی لینڈ کے بعد انگلینڈ بورڈ کی جانب سے ٹیم کو...

انہوں نے سوشل میڈیا سائٹ ٹوئٹر پر انگلش بورڈ کے انگلینڈ کرکٹ ٹیم کو پاکستان بھیجنے سے انکار کی خبر پر اظہارِخیال کرتے ہوئے کہا کہ یہ ایک مایوس کن اور شرمناک فیصلہ ہے۔

فلم اسٹار نے کہا کہ ان تمام سازشوں کے باوجود ہم دنیا کی نمبر ون ٹیم بن کر ابھریں گے۔

اداکار نے کہا کہ ہم نے پہلے اس سے زیادہ بڑے چیلنجز کا سامنا کیا اور ان پر قابو پایا۔ کوئی بھی دو ٹیمیں پاکستان کے کرکٹ کے جذبے کو کبھی نہیں ختم کر سکتیں۔

ہر ملک میں ہی کھیل کو دہشت گردی نے متاثر کیا ہے، وسیم اکرم

قومی کرکٹ ٹیم کے سابق کپتان وسیم اکرم نے انگلینڈ کرکٹ بورڈ کے فیصلے پر طنز کے تیر چلا دیے۔

ہمایوں سعید نے لکھا کہ انشاء اللہ ہم واپس ابھریں گے اور دنیا کی نمبر ون ٹیم کے طور پر واپس آئیں گے۔