• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مشال خان کو تیزاب حملے کی دھمکی، اداکارہ نے ایف آئی اے سے رجوع کرلیا

پاکستانی اداکارہ و ماڈل مشال خان کو تیزاب حملے کی دھمکی مل گئی، جس کے بعد انہوں نے وفاقی تحقیقاتی ادارے (ایف آئی اے) سے رجوع کرلیا۔ 

مشال خان نے فوٹوز اینڈ ویڈیوز شیئرنگ ایپ انسٹاگرام کی اسٹوری پر دھمکی آمیز پیغام کا اسکرین شاٹ شیئر کیا۔ 

مذکورہ پیغام میں ایک ٹوئٹر ہینڈل سے اداکارہ مشال خان کو تضحیک کا نشانہ بناتے ہوئے تیزاب کا حملہ کرنے کی دھمکی دی گئی۔ 

اس پر مشال خان نے شدید ردِ عمل دیتے ہوئے کہا کہ یہ انتہائی پریشان کن ہے۔ 

ساتھ میں اداکارہ نے یہ بھی بتایا کہ انہیں موصول ہونے والی اس دھمکی پر انہوں نے ایف آئی اے کے سائبر کرائم ونگ سے رجوع کرلیا ہے۔ 

انٹرٹینمنٹ سے مزید