فرمان الہی
نماز کے اوقات
اسلام آباد (نمائندہ جنگ)چیئرمین پیپلز پارٹی بلاول بھٹو نے چیئرمین نیب کی مدت ملازمت میں غیرقانونی توسیع کی مخالفت کرنے کا اعلان کرتے ہوئے کہا متنازع چیئرمین کی مدت ملازمت میں توسیع کی کوشش منظورنہیں قانون میں متعین مدت میں توسیع نہیں ہوسکتی، ایسا کیا گیا تو ثابت ہوجائیگا نیب عمران خان حکومت کا آلہ کار ہے۔تفصیلات کے مطابق چیئرمین پیپلزپارٹی بلاول بھٹو نے سماجی رابطے کی ویب سائٹ ٹوئٹر پر اپنے بیان میں کہا ہے کہ چیئرمین نیب کی مدت ملازمت میں غیرقانونی توسیع کی مخالفت کریں گے۔ قانون میں متعین مدت میں توسیع نہیں ہوسکتی۔بلاول بھٹو کا کہنا تھا کہ متنازع چیئرمین کی مدت ملازمت میں توسیع کی کوشش منظورنہیں، مدت ملازمت میں توسیع کی کوشش ہمارے بیانیےکو درست ثابت کرے گی۔چیئرمین پی پی نے مزید کہا کہ توسیع کی گئی تو ثابت ہوجائے گا، نیب عمران خان حکومت کا آلہ کار ہے۔
