ڈینگی ہونے پر گھر پر علاج نہ کریں، یاسمین راشد

وزیر صحت پنجاب یاسمین راشد نے کہا ہے کہ ڈینگی ہونے پر گھر پر علاج کرنے کی غفلت نہ کریں، ڈینگی مریض کو فوری طور پر اسپتال منتقل کریں۔

ڈاکٹر یاسمین راشد کا میڈیا سے گفتگو کرتے ہوئے کہنا ہے کہ ڈینگی ٹیسٹ سرکاری یا نجی اسپتالوں میں باآسانی کرایا جاسکتا ہے، سرکاری اسپتالوں میں ڈینگی کا مفت ٹیسٹ کیا جارہا ہے۔

انہوں نے کہا کہ بدقسمتی سے لاہور میں ڈینگی بہت زیادہ ہے، پچھلے برس راولپنڈی ڈینگی کا مرکز بنا تھا۔

ان کا کہنا تھا کہ ایکسپو فیلڈ اسپتال کو ڈینگی کے علاج کیلئے فعال کیا جاچکا ہے، سرکاری اسپتالوں میں ڈینگی کے مریضوں کیلئے بیڈ موجود ہیں۔