اسلام آباد میں ہلکی بارش، پہاڑوں پر برفباری

اسلام آباد میں تیز ہواؤں کے ساتھ بعض مقامات پر ہلکی بارش سے موسم خوشگوار ہوگیا ہے۔

سیاحتی مقام دیوسائی میں برفباری کے باعث 4 انچ برف جم گئی، برفباری کے بعد دیوسائی روڈ کو آمدورفت کے لئے عارضی طور پر بند کردیا گیا جبکہ موسم بہتر ہونے تک سیاحتی سرگرمیوں پر بھی پابندی لگا دی گئی ہے۔

دیوسائی کے علاوہ استور، غذر اور کشمیر کے پہاڑوں پر بھی برف باری ہوئی ہے۔

محکمہ موسمیات نے آج پنجاب، گلگت بلتستان اور کشمیر میں چند مقامات پر بارش جبکہ پہاڑوں پر برفباری کا امکان ظاہر کیا ہے۔