سینئر نون لیگی رہنما پرویز ملک نمازِ جنازہ کے بعد سپردِ خاک

مسلم لیگ نون کے سینئر رہنما پرویز ملک کو لاہور میں نمازِ جنازہ کی ادائیگی کے بعد سپردِ خاک کر دیا گیا۔

نمازِ جنازہ میں مسلم لیگ نون کے صدر، قومی اسمبلی میں قائدِ حزبِ اختلاف شہباز شریف، چیف جسٹس لاہور ہائی کورٹ امیر محمد بھٹی، خواجہ آصف، صوبائی وزیر میاں اسلم اقبال، لیاقت بلوچ، لطیف کھوسہ سمیت متعدد سیاسی و سماجی شخصیات نے شرکت کی۔

نون لیگ لاہور کے صدر پرویز ملک انتقال کرگئے

مسلم لیگ نون لاہور کے صدر پرویز ملک انتقال...

مسلم لیگ نون کے مسلسل رکنِ قومی اسمبلی رہنے والے پرویز ملک گزشتہ روز ہارٹ اٹیک سے انتقال کر گئے تھے، آج صبح ان کے جسدِ خاکی کو اسپتال سے گھر منتقل کیا گیا۔

مرحوم پرویز ملک کی نمازِ جنازہ گورنمنٹ کالج گلبرگ کے احاطے میں ادا کی گئی۔

نمازِ جنازہ میں چیف جسٹس لاہور ہائی کورٹ امیر محمد بھٹی، سپریم کورٹ کے سینئر ترین جج عمر عطاء بندیال، سابق گورنر لطیف کھوسہ، زعیم قادری، لیاقت بلوچ، فرید پراچہ، شہباز شریف، خواجہ آصف، رانا ثناء اللّٰہ، رانا تنویر، احسن اقبال سمیت وکلاء اور سول سوسائٹی کی اہم شخصیات اور کارکنوں نے شرکت کی۔

ملک پرویز کی وفات کا سن کر شدید دھچکا لگا، مریم نواز

انہوں نے ٹوئٹر پر جاری پیغام میں کہا کہ شفیق اور بے داغ انسان ملک پرویز کی وفات کا سن کر شدید دھچکا لگا۔

سینئر نون لیگی رہنما پرویز ملک کی نمازِ جنازہ اور تدفین کے موقع پر نون لیگی کارکن دھاڑیں مار کر روتے رہے۔

پرویز ملک کو قبرستان میانی صاحب میں ان کے والدین کے پہلو میں سپردِ خاک کیا گیا ہے۔