لاہور:نازیبا ویڈیوز بنانے والا ڈاکٹر ملازمت سے معطل

لاہور میں لیڈی ڈاکٹر اور نرسز کی نازیبا ویڈیوز بنانے والے ڈاکٹر کو ملازمت سے معطل کرنے کا نوٹیفیکیشن جاری کردیا۔

محکمہ صحت پنجاب کے مطابق ملزم جناح اسپتال میں بطور ڈاکٹر تعینات ہے اور ملزم کے خلاف خاتون نے نازیبا ویڈیوز بنانے کی شکایت کی تھی۔

ایف آئی اے نے خاتون کی نازیبا ویڈیو بنانے والے ڈاکٹر کو گرفتار کرلیا

فیڈر ل انویسٹی گیشن ایجنسی (ایف آئی اے) نے خاتون کی نازیبا ویڈیو بنانے والے ڈاکٹر کو گرفتار کرلیا۔

محکمہ صحت پنجاب کا کہنا ہے کہ ایف آئی اے سائبر کرائم ونگ نے مقدمہ درج کر کے ڈاکٹر کو گرفتار کیا۔

واضح رہے کہ ڈاکٹرکے خلاف لاہور کی رہائشی ایک متاثرہ خاتون نے سائبر کرائم ونگ میں درخواست دی تھی کہ ملزم متاثرہ خاتون کی نازیبا ویڈیو سے اسے بلیک میل کر تا ہے۔