• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

حکمران جنات کی طرف چلے گئے، جادو ٹونے سے ملک چلا رہے ہیں، مولانا فضل الرحمان


سربراہ جمعیت علماء اسلام (جے یو آئی ف) مولانا فضل الرحمان نے کہا ہے کہ ہمارے حکمران جنات کی طرف چلے گئے ہیں، جادو ٹونے سے ملک چلا رہے ہیں۔

پشاور میں پریس کانفرنس سے خطاب کرتے ہوئے مولانا فضل الرحمان نے کہا کہ یہ ملک جنات سے رہنمائی حاصل کرنے کے لیے نہیں بنا تھا، جنات کو ہم سے رہنمائی حاصل کرنا ہے۔

مولانا فضل الرحمان نے کہا کہ حکومت نے ملک کی معیشت کو تباہ کردیا، ترقی کا تخمینہ زیرو سے بھی نیچے آگیا۔

سربراہ جے یو آئی نے کہا کہ نوجوانوں کو ایک کروڑ نوکریاں دینے کا کہا گیا، 30 لاکھ افراد کو تین سال میں بے روزگار کردیا۔

انہوں نے کہا کہ نوجوانوں کی بے روزگاری اور کسمپرسی کا غلط فائدہ اٹھا کر ان کو دھوکا دیا گیا، آپ نے قوم کو دھوکا دیا چین ناراض ہے، اسے بھی دھوکا دیا۔

قومی خبریں سے مزید