• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

PDMجلسے میں عظمیٰ بخاری نے نوجوان کو تھپڑ جڑ دیا

آج کا اخبار
اہم خبریں
18 اکتوبر ، 2021
PDMجلسے میں عظمیٰ بخاری نے نوجوان کو تھپڑ جڑ دیا

فیصل آباد (این این آئی)فیصل آباد میں پاکستان ڈیموکریٹک موومنٹ (پی ڈی ایم )کے جلسے میں شریک مسلم لیگ ن کی رہنما عظمیٰ بخاری نے ایک نوجوان کو تھپڑ جڑ دیا،عظمیٰ بخاری نے بتایا کہ ایک شخص منع کرنے کے باوجود قریب آرہا تھا ، باز نہ آنے پر تھپڑ رسید کیا۔فیصل آباد میں پی ڈی ایم کے جلسے میں شرکت کے لیے مسلم لیگ ن کی نائب صدر مریم نواز کے ساتھ مسلم لیگ (ن )پنجاب کی ترجمان عظمیٰ بخاری، ثانیہ عاشق اور دیگر ساتھی بھی ان کی گاڑی میں تھیں۔جلسہ گاہ کے وی آئی پی گیٹ سے مریم نواز کو تو اندر جانے دیا گیا تاہم سکیورٹی پر مامور لوگوں نے دیگر خواتین کو وہیں روک لیا۔اس دوران گاڑی سے نکلتے ہوئے عظمیٰ بخاری کے قریب آنے والے ایک نوجوان کو لیگی رہنما نے غصے میں آکر تھپڑ مارا اور اس کے بازو پر لگا بیج بھی اتار دیا۔واقعہ پر ردعمل دیتے ہوئے عظمیٰ بخاری نے کہاکہ ایک شخص قریب آرہا تھا، اسے منع کیا کہ قریب نہ آؤ وہ باز نہ آیا تو اسے تھپڑ مارا۔خیال رہے کہ گزشتہ روز پی ڈی ایم نے فیصل آباد کے تاریخی دھوبی گھاٹ میں جلسہ کیا تھا جس سے مولانا فضل الرحمان سمیت مختلف سیاسی رہنماؤں نے خطاب کیا تھا۔

تازہ ترین