پھر کچھ’’کالے قول‘‘

پبلک کے نہیں برادر محترم خالد شریف کے اصرار پر ’’کالے قول‘‘ شائع ہوئی اور چند ہفتوں کے اندر اندر دوسرا ایڈیشن تیار، اس رفتار سے اتنی پذیرائی کی توقع نہیں تھی۔ بہت بہت شکریہ، آج پھر کچھ’’کالے قول‘‘ پیش خدمت۔۔۔۔۔۔۔۔۔۔۔جہاں جینوئن پیداواری عمل ہائی جیک یا سبوتاژ ہوجائے وہاں زیادہ تر پیداگیر ہی پیدا ہوتے ہیں۔۔۔۔۔۔۔۔۔۔۔حکمران کی کٹلری یعنی چمچے، چھریاں، کانٹے وغیرہ کس دھات سے تیار ہوتے ہیں؟سٹین لیس سٹیل؟ چاندی؟ سونا؟ یا پلاٹینم؟۔۔۔۔۔۔۔۔۔۔پاکستان تو آزاد ہوگیا، پاکستانی کب تک آزاد ہوں گے؟۔۔۔۔۔۔۔۔۔۔ہر بے ضمیر کے خمیر میں زندہ خنزیر کیوں ضروری ہے؟۔۔۔۔۔۔۔۔۔۔ماں، مذہب، ملک سے محبت فطری بات ہے لیکن اس کی نمائش غیر فطری ہوتی ہے۔۔۔۔۔۔۔۔۔۔۔سٹیفن ہاکنگ پلکوں سے’’دربار‘‘ پردستک دیتا ہے اور اس کی سنی جاتی ہے۔ ہم گلے پھاڑ پھاڑ کر چیختے ہیں لیکن نہ’’یار‘‘ سنتا ہے نہ شہریار۔۔۔۔۔۔۔۔۔۔۔سیاست اور معیشت ایک ہی سکے کے دو رخ ہوتے ہیں۔ سیاست عوام دشمن ہوگی تو معیشت بھی عوام دشمن ہی ہوگی۔۔۔۔۔۔۔۔۔۔۔بھاگنے کا کیا فائدہ اگر تمہاری سمت ہی درست نہیں۔۔۔۔۔۔۔۔۔۔۔ہر وہ شخص’’سینئر‘ ہوتا ہے جو جوانی میں نہ مرجائے۔۔۔۔۔۔۔۔۔۔۔حکمرانوں کے لئے عوام اس جائیداد کی مانند ہیں جنہیں گروی رکھ کر قرضے لئے جاتے ہیں۔۔۔۔۔۔۔۔۔۔۔کاش عوام کبھی عوام کے خلاف بھی احتجاج کریں۔۔۔۔۔۔۔۔۔۔۔بے وفائی اور بے حیائی جڑواں بہنیں ہیں۔۔۔۔۔۔۔۔۔۔۔جو حکمران اپنے عوام کے سامنے جوابدہ ہوں، وہ دنیا میں کسی کے سامنے جوابدہ نہیں ہوتے، دوسرے پرچیاں پڑھتے رہ جاتے ہیں۔۔۔۔۔۔۔۔۔۔۔نیت میں کھوٹ اتنا ہی ہونا چاہئے جتنا سونے کو زیور بنانے کے لئے ضروری ہوتا ہے۔۔۔۔۔۔۔۔۔۔۔کامیابی کے لئے’’کام‘‘ ہی بنیادی شرط ہے ۔۔۔۔۔۔۔۔۔۔۔میرٹ کی لاش پر کرپشن کا مجرا بھی دہشت گردی ہے۔۔۔۔۔۔۔۔۔۔۔پاکستانی عوام نے بھی مندرجہ ذیل’’اثاثے‘‘ ڈیکلیئر کردئیے ہیں۔قابلیت سے تیار کی گئی…جہالتمنصوبے کے تحت پیدا کی گئی… جذباتیتروحانی طور پر تیار کی گئی…فرقہ واریتزبانی طور پر تیار کی گئی…لسانیت ہرسرکاری دفتر میں موجود…حقارت کرنسی نوٹوں کے نام پر چھاپے گئے …
چیتھڑےمحبت سے تیار کی گئی…نفرتوزارت خزانہ میں تیار شدہ…قرضےپی آئی اے سے نکل ہوئی…ہیروئنفنکاری سے بنائی گئی…بے روزگاریسیاسی لیبارٹری میں تیار کی گئی…مختلف قسم کی بیماریجمہور کی ازلی ابدی دشمن…جمہوریت غیر ملکی سیاحوں کے لئے کراچی میں … کوڑے کے پہاڑمختلف بلکہ متصادم پارٹیوں کے ایک جیسے… منشورزندہ رہنے کے لئے…بیرون ملک ہجرتخود سولی پر لٹک کر کسی مسیحا کا انتظارکسی معجزے کی امیدہر ا لیکشن پر خودکشی کی کامیاب کوششرشوت دے کر بنوایا گیا شناختی کارڈبےبسی میں لپٹا ہوا غصہکبھی کبھی…قوم سے خطابکبھی سیاسی اور کبھی غیر سیاسی حکومت کی خواہشایک طرف ڈسکائونٹ تو دوسری طرف ڈاکہ گروپبےکراں کنفیوژنقارئین!یہ تو ہوگئی عوام کے اثاثوں کی پہلی قسط اور اب پھر چلتے ہیں روٹین کے کالے اقوال کی طرف۔۔۔۔۔۔۔۔۔۔بجلی بم اسی طرح پھٹے گا۔۔۔۔۔۔۔۔۔۔آٹا ایٹم یونہی گرے گا۔۔۔۔۔۔۔۔۔۔حلف اٹھانا تو یوں ہی ہے جیسے کوئی بردہ فروش بچہ اٹھالے۔۔۔۔۔۔۔۔۔۔اقبال کے مصرعہ’’لڑادے ممولے کو شہباز سے‘‘ کو سمجھنے کے لئےفکری طور پر شہباز ہونا ضروری ہے ورنہ حشر نشر ہوجاتا ہے۔۔۔۔۔۔۔۔۔۔۔ہمارے ہاں مہنگائی کے سوا کچھ بھی مستحکم نہیں اور ماہ رمضان میں یہ استحکام دوچند ہوجاتا ہے۔۔۔۔۔۔۔۔۔۔۔روٹی کا ریڈ ایٹر پھٹ گیا تو گاڑی کا انجن سیز بھی ہوسکتا ہے۔۔۔۔۔۔۔۔۔۔۔حکمران صرف بیان ہی بیان ہیں۔۔۔۔۔۔۔۔۔۔آدمی انڈروئیر بھی افورڈ نہ کرسکے تو انڈر ورلڈ کی رونقوں میں اضافہ ہوجاتا ہے۔۔۔۔۔۔۔۔۔۔۔جس ملک میں اوزار اور ہتھیار امپورٹ ہوتے ہوں، وہاں ’’تہوار‘‘ بھی امپورٹ ہی ہوں گے۔۔۔۔۔۔۔۔۔۔۔عوام کے لئے سائرن، اپنے لئے وائلن۔۔۔۔۔۔۔۔۔۔عوام کو پینے کا صاف پانی تو دینا نہیں، واٹر کین حاضر ہے۔۔۔۔۔۔۔۔۔۔۔اٹھ جائوورنہ بیٹھے رہ جائوگے۔۔۔۔۔۔۔۔۔۔۔شرم کھانے سے پیٹ نہیں بھرتا۔۔۔۔۔۔۔۔۔۔۔ریاض کانفرنس میں تقریر نہیں کرنے دی گئی تو کیا ہوا؟ہمیں سنا کر شوق پورا کرلو۔



.