اسلام آباد (نمائندہ جنگ) چوہدری شوگر ملز ریکارڈ ٹمپرنگ کیس میں ایس ای سی پی کے سابق چیئرمین ظفر حجازی کی مقدمہ اخراج کی درخواست کو رجسٹرار آفس کے اعتراضات کیساتھ اسلام آباد ہائیکورٹ میں سماعت کیلئے مقرر کر دیا گیا ہے۔ عدالت عالیہ کے جسٹس محسن اختر کیانی آج درخواست کی سماعت کرینگے۔ کاز لسٹ کے مطابق سابق چیئرمین ایس ای سی پی ظفر حجازی کی مقدمہ اخراج کی درخواست کو جسٹس محسن اختر کیانی کے بنچ میں رجسٹرار آفس کے اعتراضات کے سماعت کیلئے مقرر کر دیا گیا ہے۔