معروف بالی ووڈ اداکار رہتک روشن نے ایک بار پھر شاہ رخ خان کے بیٹے آریان خان کی حمایت کرتے ہوئے انہیں ضمانت نہ ملنے پر افسوس کا اظہار کیا ہے۔
رہتک روشن نےاپنی انسٹااسٹوری پر سپریم کورٹ کے وکیل دُشائنت دیو کے صحافی فائی ڈی سوزا کو دیے گئےایک انٹرویوکی ویڈیو شیئر کی ہے۔
اس ویڈیو میں وکیل نے اس کیس پر اپنی رائے دیتے ہوئے اس بات کا ذکر کیا کہ کیس کی سماعت کرنے والے جسٹس نتیم سمبرے نے اس سے قبل ان مردوں کو ضمانت کی اجازت کیسے دے دی ہے جن کے پاس سے منشیات برآمد ہوئیں ۔
رہتک روشن نے ویڈیو شیئر کرتے ہوئےاپنی انسٹا اسٹوری میں لکھا کہ ’ اگر یہ حقائق ہیں، تو یہ بہت افسوسناک ہیں۔‘
اس سے قبل بھی اپنے بیان میں رہتک روشن آریان خان سے ہمدردی کا اظہار کرتے ہوئے انہیں سپورٹ کرنےکا یقین دلاچکے ہیں ۔
خیال رہے کہ بھارت کے انسداد دہشت گردی کے ادارے نارکوٹکس کنٹرول بیورو (این سی بی) نے ممبئی میں ساحل کے قریب کروز شپ پر پارٹی کے دوران چھاپا مارکر شاہ رخ خان کے بیٹے آریان خان اور ان کے دوست ارباز مرچنٹ کو گرفتار کرلیا تھا۔
بھارتی میڈیا رپورٹس کے مطابق آریان خان کی درخواست ضمانت 20 اکتوبر کو خصوصی عدالت نے مسترد کردی تھی۔
ممبئی کی عدالت کی جانب سے آریان خان کی درخواستِ ضمانت چار بار مسترد کی گئی ہے اور اسی وجہ سے اب اُن کے وکیل نے ممبئی ہائی کورٹ سے رجوع کیاجس پر گذشتہ روز ہونے والی سماعت کو ایک دن کے لیے ملتوی کردیا گیا تھا۔