مقبوضہ کشمیر میں قابض بھارتی فورسز کی اضافی نفری کی تعیناتی پر سابق وزیر اعلیٰ محبوبہ مفتی نے مودی حکومت پر تنقید کرتے ہوئے کہا ہے کہ جموں کشمیر کو فوجی چھاؤنی میں تبدیل کرنے کے بعد بھی اضافی دستے کشمیر لائے جا رہے ہیں۔
ایک بیان میں انھوں نے کہا کہ کشمیریوں کے پاس سانس لینے کی جو تھوڑی سی جگہ باقی بچی ہے اسے بھی سیکیورٹی کے بہانے ختم کیا جارہا ہے۔
محبوبہ مفتی کا کہنا تھا کہ جموں کشمیر کے بحران میں فوجی نہیں سیاسی حل کی ضرورت ہے۔