راولپنڈی(اپنے رپورٹرسے) رنگ روڈ کی موجودہ الائنمنٹ میں چک بیلی انٹرچینج کے متاثرین سے رنگ روڈ منصوبہ کی ٹیکنیکل ٹیم کے ماہرین نے ملاقات کی ۔ ملاقات میں اس بات پر اتفاق پایا گیا کہ چک بیلی انٹرچینج( میرا موہڑہ انٹر چینج) کی طوالت کو کم کرکے آبادی کم متاثر اور قیمتی و زرخیز اراضی بچائی جا سکتی ہے۔ ذرائع کے مطابق ماہرین سے متاثرین ایکشن کمیٹی کے ارکان چوہدری جاوید، حاجی ارشد محمود ، حاجی پرویز ملک،راجہ رزاق، چوہدری شیراز اور دیگر نے ملاقات کی اور تحفظات سے آگاہ کیا۔