روسی و امریکی صدور کے درمیان رابطہ منگل کو ہوگا، کریملن و وائٹ ہاؤس کی تصدیق

December 04, 2021

فوٹو: فائل

امریکا کے صدر جو بائیڈن اور روس کے صدر ویلادیمیر پیوٹن کے درمیان وڈیو کال رابطہ منگل کو ہوگا۔

وائٹ ہاؤس عہدیدار کے مطابق دونوں صدور یوکرین تنازع اور دیگر موضوعات پر تبادلہ خیال کریں گے۔

امریکی صدر بائیڈن روسی ہم منصب کو یوکرین کی سرحد پر روسی فوجی سرگرمیوں سے متعلق امریکی تشویش سے آگاہ کریں گے اور یوکرین کی سالمیت اور علاقائی یکجہتی کے لیے امریکی حمایت سے متعلق بتائیں گے۔

کریملن نے بھی امریکی اور روسی صدور کی ویڈیو کال منگل کو ہونے کی تصدیق کر دی ہے۔