لندن: گورنر پنجاب کی گاڑی پر ٹریفک قوانین کی خلاف ورزی پر جرمانہ

December 05, 2021

فوٹو: فائل

لندن میں گورنر پنجاب چوہدری محمد سرور کی گاڑی کو ٹریفک قوانین کی خلاف ورزی پر جرمانے کی ٹکٹ جاری کردیا گیا۔

گورنر پنجاب سنٹرل لندن میں اپنے بیٹے کے فاسٹ فوڈ ریسٹورنٹ میں ایک تقریب میں شرکت کے لیے موجود تھے۔

گورنر چوہدری سرور کی گاڑی ٹریفک قوانین کی خلاف ورزی کرتے ہوئے ڈبل یلو لائن پر پارک تھی۔

ٹریفک وارڈن نے قوانین کی خلاف ورزی پر جرمانے کی ٹکٹ جاری کرتے ہوئے اسے فرنٹ اسکرین پر چسپاں کردیا۔

گورنر پنجاب چوہدری سرور کو تقریب میں شرکت کے بعد واپس آنے پر جرمانے کی ٹکٹ کا علم ہوا۔

برطانوی ٹریفک قوانین کے مطابق ڈبل یلو لائن پر گاڑی پارک نہیں کی جاسکتی، جرمانے کی رقم 140 پاؤنڈز تک ہوسکتی ہے، 14 دن کے اندر ادائیگی پر 70 پاؤنڈ ادا کرنے ہوں گے۔