کراچی میں نیٹی جیٹی پل پر فائرنگ سےخاتون اور مرد زخمی ہوگئے، جس کی تحقیقات شروع کردی گئی ہیں۔
پولیس کا کہنا ہے کہ گاڑی سے نامعلوم افراد نے شارٹ گن کا کارتوس فائرکیا، مرد ماڑی پور کا رہائشی اور مکینک ہے، جبکہ خاتون گلستان جوہر کی رہائشی اور گھروں میں کام کرتی ہے۔
پولیس کا کہنا ہے کہ مرد مچھلیوں کو دانا ڈال رہا تھا، اس دوران خاتون بس سے اتری، فائرنگ سے دونوں کو معمولی زخم آئے، طبی امداد کے بعد گھر چلے گئے۔
پولیس کا کہنا ہے کہ سی سی ٹی وی ویڈیو کی کوشش کر رہے ہیں جس سے صورت حال واضح ہوگی۔