عمران نیازی فرح گوگی کی مبینہ کرپشن کا جواب دیں، حافظ حمد اللّٰہ

July 03, 2022

فائل فوٹو

ترجمان پی ڈی ایم حافظ حمد اللّٰہ نے کہا ہے کہ عمران نیازی فرح گوگی کے حوالے سے اربوں کی مبینہ کرپشن اور چوری کا جواب دیں۔

حافظ حمد اللّٰہ نے اپنے ایک بیان میں کہا کہ عمران خان مولانا فضل الرحمٰن پر تنقید سے پہلے قوم کو یہ بتا دیں کہ آپ کے بچے کہاں ہیں اور کس سے تربیت پا رہے ہیں؟

انہوں نے کہا کہ جارج بش کی کامیابی پر دو رکعت نفل نماز پڑھنے والا نیازی امریکا دشمنی کا بھاشن جھاڑ رہا ہے، عمران خان نے ٹرمپ کے کہنے پر کشمیر نریندر مودی کے حوالے کیا اور کلبھوشن کو این آر او دیا۔

واضح رہے کہ پی ٹی آئی چیئرمین نے کہا تھا کہ حکومت والوں، آصف زرداری، فضل الرحمٰن سن لو، ہمارا جینا مرنا پاکستان میں ہے، نواز شریف کے بیٹے کہتے ہیں ہم پاکستان کے شہری نہیں، آصف زرداری نے صدر ہوتے ہوئے امریکا کو کہا مجھے بچالو۔