کیا ہم وفاقی دارالحکومت پر چڑھائی کرنے دیں گے؟ رانا ثناء اللّٰہ

September 24, 2022

وفاقی وزیر داخلہ رانا ثناء اللّٰہ نے کہا ہے کہ کیا ہم وفاقی دارالحکومت پر چڑھائی کرنے دیں گے، یہ کوئی بنانا ری پبلک نہیں ہے، اگر کوئی مسلح جتھہ لایا تو اس سے نمٹنے کی تیاری کر رکھی ہے۔

لاہور میں پریس کانفرنس کرتے ہوئے رانا ثناء اللّٰہ نے کہا کہ رینجرز، ایف سی، اسلام آباد پولیس اور سندھ سے 10 ہزار اہلکاروں کی صورت میں ہمیں مقررہ تعداد سے دو گنا اہلکاروں کی نفری دستیاب ہوگی۔

وزیر داخلہ نے کہا کہ ڈرون آنسو گیس کے حصول کے لیے اقدامات کیے جا رہے ہیں، کوشش ہوگی کہ طاقت کا استعمال احتیاط سے کیا جائے۔