وفاقی وزیر صحت اور پیپلز پارٹی کے رہنما قادر پٹیل نے کہا ہے کہ پی ٹی آئی چیئرمین عمران خان کی ذہنی حالت دیکھ کر بڑا ترس آتا ہے۔
اسلام آباد سے جاری بیان میں قادر پٹیل نے کہا کہ عمران خان پولیس کی گاڑیاں دیکھ کر پہاڑ میں چھپ جائیں گے، پی ٹی آئی چیئرمین کی ذہنی حالت دیکھ کر بڑا ترس آتا ہے۔
انہوں نے کہا کہ وزیر خارجہ بلاول بھٹو زرداری کا عالمی دنیا میں وقار دیکھ کر عمران خان نیازی تڑپ رہا ہے، پی ٹی آئی چیئرمین سے دنیا کا کوئی حکمران مل کر اپنا وقت ضائع نہیں کرنا چاہتا۔
وفاقی وزیر نے مزید کہا کہ عمران خان کی اچھل کود سیلاب متاثرین کے 14 ارب روپے ہضم کرنے کے لیے ہے، پی ٹی آئی چیئرمین میں طاقت ہی نہیں کہ وہ حکومت کے خلاف تحریک چلائے۔