لوکاکو نے گول نہ ہونے کا غصہ شیشہ توڑ کر نکال دیا، ویڈیو وائرل

December 01, 2022

فوٹو: اسکرین گریب

ورلڈکپ میں اپنی ٹیم کےلیے گول کے مواقع ضائع کرنے والے رومیلو لوکاکو نے میچ کے اختتام کے بعد ڈگ آؤٹ کا شیشہ توڑ دیا۔

خیال رہے کہ قطرے کے احمد بن علی اسٹیڈیم میں کروئشیا کے خلاف کھیلے گیا یہ میچ بیلجیئم کو جیتنا ضروری تھا۔

اس میچ کے دوسرے ہاف میں لوکاکو کو ایک دو نہیں بلکہ گول کرنے کے 4 آسان مواقع ملے لیکن وہ ہر مرتبہ ہی چوک گئے۔

یہ میچ 0-0 کی برابری پر ختم ہوا جس کے ساتھ ہی کروئشیا نے راؤنڈ آف 16 کے لیے کوالیفائی کرلیا۔

سوشل میڈیا پر میچ کے اختتام کا ایک کلپ وائرل ہورہا ہے جس میں لوکاکو کو ڈگ آؤٹ کی جانب جاتے ہوئے دیکھا جاسکتا ہے۔

جیسے ہی لوکاکو ڈگ آؤٹ کے پاس پہنچتے ہیں تو وہ ہاتھ مار کر اس کا شیشہ توڑ دیتے ہیں۔

لوکاکو کے اس عمل پر انہیں سوشل میڈیا پر شدید تنقید کا نشانہ بنایا جارہا ہے جبکہ کچھ صارفین تو یہ کہنے پر مجبور ہوئے کہ لوکاکو نے اب اصل ہدف پر مارا ہے۔