پشاور، حیات آباد کرکٹ اسٹیڈیم پاکستان کرکٹ بورڈ کی تحویل میں دینے کا فیصلہ

December 07, 2022

فائل فوٹو

پشاور کے حیات آباد کرکٹ اسٹیڈیم کو پاکستان کرکٹ بورڈ کی تحویل میں دینے کا فیصلہ کرلیا گیا ہے۔

پاکستان کرکٹ بورڈ (پی سی بی) اور خیبرپختونخوا حکومت میں اس حوالے سے معاہدہ طے پاگیا ہے۔

پی سی بی اور ڈائریکٹوریٹ جنرل آف اسپورٹس کے درمیان مفاہمتی یادداشت پر دستخط کرلیے گئے ہیں۔

چیف ایگزیکٹیو پاکستان کرکٹ بورڈ فیصل حسنین نے میڈیا سے گفتگو کرتے ہوئے کہا ہے کہ مفاہمتی یادداشت پر دستخط ہوگئے ہیں جو ہمارے لیے بہت اہم ہے۔

فیصل حسنین نے کہا ہے کہمیری خواہش ہے کہ انٹرنیشنل کرکٹ پورے پاکستان میں ہو،خیبرپختونخوا میں انٹرنیشنل کرکٹ کی بحالی کے لیے کوشش کر رہے ہیں۔

پی سی بی کے چیف ایگزیکٹیو نے کہا کہ خیبرپختونخوا میں بہت ٹیلنٹ ہے، اس پر کام کرنا ہوگا۔

انہوں نے کہا کہ پاکستان کرکٹ ٹیم میں زیادہ کھلاڑیوں کا تعلق خیبرپختونخوا سے ہے۔