طالبان حکومت نے پچھلے برس اقتدار سنبھالنے کے بعد قتل کے ملزم کو پہلی پھانسی دے دی۔
طالبان ترجمان ذبیح اللّٰہ مجاہد نے کہا کہ صوبہ فرح میں ایک شخص پر 2017 میں دوسرے آدمی کو چاقو کے وار کرکے مارنے کا الزام تھا۔
اس کیس کی تفتیش تین عدالتوں میں ہوئی تھی اور پھانسی کی منظوری قندھار میں موجود طالبان کے رہبرِ اعلیٰ نے دی تھی۔
ترجمان نے بتایا کہ ایک درجن سے زائد طالبان رہنماؤں نے ملزم کو پھانسی دیے جانے کا عمل دیکھا جن میں وزیر داخلہ سراج الدین حقانی اور نگراں نائب وزیراعظم ملا عبدالغنی برادر شامل ہیں۔
پھانسی کے موقع پر افغانستان کے چیف جسٹس، نگراں وزیر خارجہ اور نگراں وزیر تعلیم بھی موجود تھے۔