فرمان الہی
نماز کے اوقات
پاکستان کرکٹ ٹیم کے اسٹار بیٹر اور سابق کپتان بابر اعظم نے ننھے مداح کے دن کو یادگار بنادیا۔
کھلاڑی نے آسٹریلیا میں ملنے والے ننھے مداح کو اپنے گلف (دستانے) بطور تحفہ دے دیے۔ یہ منظر کیمرے کی آنکھ میں قید ہوگیا، جس کی ویڈیو سوشل میڈیا پر وائرل ہوگئی۔
سوشل میڈیا پر وائرل ویڈیو میں ننھا مداح بابر اعظم سے ملاقات کے لیے آتا ہے، ایسے میں کیمرے کے پسِ پردہ سے آواز آتی ہے کہ اس بچے کے لیے کوئی مشورہ دے دیں بابر بھائی۔
صلاح مشورہ طلب کرنے پر بابر اعظم اپنا بیگ کھولتے ہیں، اپنے گلف (دستانے) ننھے بچے کو دے دیتے ہیں اور کہتے ہیں ’مشورہ کیا ہے، بس زندگی انجوائے کرے۔‘
وائرل ویڈیو میں بابر اعظم اور ان کے مداح کو سڈنی سکسرز کی جرسی میں دیکھا جاسکتا ہے، ممکنہ طور پر ننھا بچہ صرف کرکٹ دیکھنے کا ہی نہیں کھیلنے کا بھی شوقین ہے۔
خیال رہے کہ حال ہی میں آسٹریلوی بگ بیش ٹی ٹوئنٹی لیگ میں بابر اعظم نے سڈنی تھنڈرز کے خلاف سڈنی سکسرز کے لیے نصف سنچری اسکور کی۔
انہوں نے 42 گیندوں پر 58 رنز کی اننگز کھیلی جس میں پانچ چوکے اور دو چھکے شامل تھے۔
