فرمان الہی
نماز کے اوقات
امریکی بزنس مین اور ٹیسلا، اسپیس ایکس، ایکس (سابق ٹوئٹر) اور اسٹار لنک کے چیف ایگزیکٹو ایلون مسک نے دبئی کا دورہ کیا، جہاں دبئی کے ولی عہد شیخ حمدان بن محمد بن راشد المکتوم نے ان کا استقبال کیا۔
دبئی کے ولی عہد، متحدہ عرب امارات کے نائب وزیرِاعظم اور وزیرِ دفاع شیخ حمدان بن محمد بن راشد المکتوم نے ایلون مسک سے ملاقات کی، جس میں متحدہ عرب امارات میں ٹیکنالوجی شراکت داری کے فروغ پر اتفاق کیا گیا۔
ملاقات میں آرٹی فیشل انٹیلیجنس، ڈیجیٹل معیشت اور مستقبل کی ٹیکنالوجیز پر تفصیلی گفتگو ہوئی جبکہ دبئی کو عالمی سطح پر ٹیکنالوجی اور جدت کا مرکز بنانے کے عزم کا بھی اظہار کیا گیا۔
ایلون مسک نے متحدہ عرب امارات کی ٹیکنالوجی کے شعبے میں پیشرفت کو سراہتے ہوئے ڈیجیٹل انفرااسٹرکچر اور انسانی وسائل میں سرمایہ کاری کی تعریف کی۔
ملاقات کے دوران جدید ڈیجیٹل نظام کو مزید مضبوط بنانے اور ہنر مند افرادی قوت میں سرمایہ کاری پر بھی زور دیا گیا۔
