جمیعت علماء اسلام کے سینیٹر مولانا عطا الرحمان نے کہا ہے کہ پی ٹی آئی والے ملک میں خانہ جنگی چاہتے ہیں۔
ہنگو میں شمولیتی پروگرام سے خطاب میں مولانا عطا الرحمان نے کہا کہ 9 مئی کو پی ٹی آئی نے اپنے ہاتھوں سے خود کو ذلیل کیا۔
انہوں نے کہا کہ پی ٹی آئی سے ایک ایک کرکے کارکن جدا ہو رہے ہیں۔
جے یو آئی سینیٹر نے مزید کہا کہ پی ٹی آئی والے ملک میں خانہ جنگی چاہتے تھے، ہمارا مقصد ملک کو تقسیم اور انتشار سے بچانا ہے۔