بھارتی اداکار شاہد کپور کا کہنا ہے کہ وہ ہالی ووڈ کے بجائے ساؤتھ انڈین فلمیں سائن کرلیں گے لیکن فی الحال ان کا ہالی ووڈ میں جانے کا کوئی ارادہ نہیں۔
اپنے حالیہ انٹرویو میں شاہد کپور کا کہنا تھا کہ یہ بڑا قدم اٹھانے کیلئے آپ کو اس بات کا ادراک ہونا بہت ضروری ہے کہ آپ اس کیلئے تیار ہیں۔
انہوں نے کہا کہ آپ کو واقعتاً اپنے اندر سے ایسی تحریک ملنی چاہیے کہ پھر آپ کیلئے زبان کوئی رکاوٹ ہی نہ بنے۔
شاہد کا کہنا تھا کہ ’زبان‘ واقعی ایک بڑا معاملہ ہے، کچھ لوگ ایک زبان سے دوسری زبان میں کام کرنے پر گرفت رکھتے ہیں لیکن کچھ ایسا نہیں کر پاتے۔
انہوں نے کہا کہ یہ کرنا آسان نہیں، اگر مجھے موقع ملا تو میں کہیں بھی چلا جاؤں گا، لیکن کام دلچسپ ہونا چاہیے، میں نے ابھی او ٹی ٹی پراجیکٹ کیا ہے، مجھے کوئی فرق نہیں پڑتا۔