فرمان الہی
نماز کے اوقات
تامل سپر اسٹار اور سیاستدان کمل ہاسن نے تامل ناڈو کے نئے وزیرِاعلیٰ جوزف وجے سے ملاقات کی اور ریاستی حکومت سے فلمی صنعت کے لیے تعاون پر زور دیتے ہوئے 6 اہم مطالبات پیش کردیے۔
وجے نے 10 مئی کو وزیرِاعلیٰ کا حلف اٹھایا تھا، جس کے بعد کمل ہاسن نے ملاقات کی تصاویر سوشل میڈیا پر شیئر کیں۔
اپنے بیان میں کمل ہاسن نے کہا کہ وجے نے ملاقات میں عاجزی اور محبت کا مظاہرہ کیا، جس پر انہیں فخر ہے۔
انہوں نے مزید کہا کہ فلمی صنعت مختلف مشکلات کا سامنا کر رہی ہے اور حکومت کو اس کے لیے تعاون فراہم کرنا چاہیے۔
وجے کی تاریخی کامیابی
وجے نے تامل ناڈو کی سیاست میں اس وقت بڑا دھماکہ کیا جب ان کی جماعت تملگا ویٹری کژگم (ٹی وی کے) نے پہلی بار اسمبلی انتخابات میں حصہ لیتے ہوئے 108 نشستیں جیتیں اور بعد میں 120 ارکان اسمبلی کی حمایت حاصل کر لی۔
اس طرح انہوں نے دہائیوں سے سیاست پر قابض ڈی ایم کے اور اے آئی اے ڈی ایم کے کو شکست دی۔
