بالی ووڈ کی معروف اداکارہ پرینیتی چوپڑا اور بھارتی سیاستدان راگھو چڈھا کی شادی کی تیاریاں مکمل ہو گئی ہیں اور تقریبات کا باقاعدہ آغاز ہو گیا ہے۔
بھارتی میڈیا کی رپورٹ کے مطابق گزشتہ روز دہلی میں راگھو چڈھا اور پرینیتی چوپڑا کی شادی کے سلسلے میں’صوفی نائٹ‘ کا انعقاد کیا گیا۔
اس تقریب کی سوشل میڈیا پر ایک ویڈیو وائرل ہو رہی ہے جس میںپرینیتی چوپڑا کو راگھو چڈھا اور سابق بھارتی کرکٹر ہربھجن سنگھ کے ساتھ بھنگڑہ ڈالتے ہوئے دیکھا جا سکتا ہے۔
پرینیتی چوپڑا نے اس تقریب میں شرکت کرنے کے لیے سلور رنگ کے لباس کا انتخاب کیا جبکہ راگھو چڈھا نیلے رنگ کی شیروانی پہنے نظر آئے۔
واضح رہے کہ پرینیتی چوپڑا کی منگنی بھارتی سیاستدان راگھو چڈھا کے ساتھ رواں برس مئی میں ہوئی تھی۔