پاکستان اور بھارت کے درمیان کھیلی جارہی بلائنڈ کرکٹ سیریز کے دوسرے ٹی20 میچ میں روایتی حریف بھارت نے پاکستان کو 46 رنز سے ہرا دیا۔
دنئی میں کھیلے گئے میچ میں پاکستان کی بلائنڈ ٹیم 225 رنز کے تعاقب میں 6 وکٹوں پر 178 رنز تک محدود رہی، یوں سیریز 1-1 سے برابر ہوگئی۔
آج کی اننگز میں پاکستان کے محمد سلمان 58، بدر منیر 30 اور نثار علی 25 رنز بناسکے۔
اس سے قبل بھارت بلائنڈ کرکٹ ٹیم نے پہلے بیٹنگ کرتے ہوئے 3 وکٹوں پر 224 رنز بنائے تھے، یوں سنیل رمیش 86 رنز بنانے پر مین آف دی میچ قرار پائے۔
دوسرے میچ کے مہمان خصوصی پاکستان کے قونصل جنرل حسین محمد تھے، دبئی میں سیریز کا تیسرا اور آخری میچ 25 فروری کو کھیلا جائے گا۔