کوئٹہ(اسٹاف رپورٹر)امیر جماعت اسلامی پاکستان حافظ نعیم الرحمٰن نے جماعت سلامی بلوچستان کے امیر مولانا عبدالحق ہاشمی کو جماعت اسلامی پاکستان کا ڈپٹی سیکرٹری جنرل مقرر کردیا ہے ۔ مولانا عبدالحق ہاشمی مدینہ یونیورسٹی سے فارغ التحصیل شیخ القرآن و الحدیث ، کئی کتابوں کے مصنف ، حافظ قرآن اور انگریزی ، اردو ، عربی ، پشتو ، بلوچی ، براہوی ، سندھی اور پنجابی سمیت دیگر زبانوں پر عبور رکھتے ہیں ۔