کراچی (ثاقب صغیر /اسٹاف رپورٹر) سیکورٹی اداروں کی جانب سے تحریک طالبان پاکستان(ٹی ٹی پی) کراچی کے امیر اور سابق پولیس اہلکار داؤد محسود کے افغانستان میں مارے جانے کی تصدیق کردی گئی ہے اور ٹی ٹی پی کے سوشل میڈیا اکائونٹ پر بھی دائود محسود کے مارے جانے کی تصدیق کردی گئی۔ سیکورٹی اداروں کے مطابق داؤد محسود کو ٹی ٹی پی سجنا گروپ نے قتل کیا ہے۔ حاجی داؤد محسود کراچی پولیس کا سابق ہیڈ کانسٹیبل اور ضلع ملیر میں واقع قائد آباد تھانے میں تعینات تھا۔ داؤد محسود ٹی ٹی پی کے امیر حکیم اللہ محسود کے قریبی ساتھیوں میں سے تھا اور اس نے اس سے قبل بھی کراچی میں ٹی ٹی پی کے لیئے اہم کام کیئے تھے۔ گذشتہ ستمبر میں تحریک طالبان پاکستان کیجانب سے جاری کردہ ویڈیو پیغام میں ٹی ٹی پی کے امیر ملا فضل اللہ کی جانب سے ایک پیغام میں حاجی داؤد محسود کو ٹی ٹی پی حلقہ کراچی کا امیر مقرر کیا گیا تھا اور ٹی ٹی پی کے تمام گروپس کو داؤد محسود کے فیصلوں کی پاسداری کرنے کو کہا گیا تھا۔ واضح رہے کہ کراچی آپریشن سے قبل ٹی ٹی پی حکیم اللہ محسود گروپ اور سجنا گروپ میںکراچی کے مختلف علاقوں میں قبضے کی جنگ کی وجہ سے دونوں طرف کے بہت سے کارندے مارے گئے تھے اور اب دونوں گروپس کی یہ لڑائی افغانستان میں بھی جاری ہے۔ سیکورٹی اداروں نے بھی داؤد محسود کے افغانستان میں مارے جانے کی اطلاعات کی تصدیق کی ہے اور سی ٹی ڈی کے سینئر پولیس افسران کا کہنا ہے کہ انکی اطلاعات بھی یہی ہیں اور انکی اطلاعات کے مطابق داؤد محسود چند ہفتے قبل سجنا گروپ کے ایک حملے میں مارا جا چکا ہے۔
فرمان الہی
نماز کے اوقات
